الغرام علي فيس بوك

من طرف **crstiano** الثلاثاء مارس 30, 2010 9:40 pm

قال ليها سلام

يا أختنا سلام

دي , مسج , من زول (سينقل) مهموم

جاييك عدييييييل (ريليشن شِب) ....

والفيه خلاس

لاقادر يقراه

لاقادر ينساه ويلقاه في الطب !!

ماحَبَّ قديم أو قبلك راد

(وفرندو) هَـدَيلْ كـــلُّمْ أولادْ

جاييك مغرود

شان يعرف صاح ( التيرم أُف يوز )....

وعَملِّـــك ( آد )....

مازول ونسات , جاييكي عديل

قدام بالباب ,

ويمكن ما يكون في ( اليو مي نو )

لكن زول جاد

وقليبه حنيـــــن لكنْ معزول في دنيا الجكس ...

***

قالتلهُ تعال ...

أنا قلبي معاك لو جيتنا عديل

وأنا ماراجياك شان تشرح لي

وتفصِّل لي

أنا زول هيمان , أنا زول حساس

أنا ليلي طويل

أو حاولي معاي

( سجسشن ) ساي

يمكن جواك يقرى الجواي

أو قلبِكِ يحسْ ...

***

لا بقدر أقول حا نخش ( الشات)

أو في (الإنبكس ) دي رسالتك جات

وأعملك ,بوك) وأكتب في (الوول) ...

أو أرسل (جيفت) ومعااااا كلمات

لابكتب ليك (كومنت) كمان لا (لايك ذس)

***

خلينا بعاد أنا مالايماك

لا أدِّيك تلفون

لا بستناك

دايرني ؟؟ أبوي

والبيت معروف لاتلف لاتطوف

وَرِّيْ (اللينكات) واتحرفن ليو

أدِّي (الأبديت) والحاصل ليك

أقعدْ ورِّيه

إنك مرَّات بِطشَّ البيت

خليك موهوب وأعمَّلهُ (قروب)

قولِّيهُ (الفان) جايين وكتاااار

حاول رضَّيه

واتبسم ليه

وإن شفته أباك أو حمَّر ليك

أتلايق فيه

ما أصله الريد هو البتعبو فيه

وأكَّان أدَّاك يا هو الجايـيه

وإن قال ياريت ماكان لاقاك

مابقولك جر لابقولك بس

***

قاليها خلاس

ده كلام مظبوط مابزعل أخوك

وإن شاء الله أبوك

من يشوفني هنااااااك , مدردح جاي

يتفائل بي ويكورك هووووي

يا (الريلتيف) هوي الزول مبروك

و يترسَّل لي أكبر (أكسبت) ....

ما أكون مصبوب في (الويتنق لست)....